Компанийн үйл ажиллагаанд учирч болзошгүй эрсдэлүүдийг тодорхойлж, тэдгээрийг олон улсад хүлээн зөвшөөрөгдсөн арга, аргачлалын дагуу үнэлж, удирдлагыг үнэн зөв, бодитой мэдээллээр хангах, эрсдэлээс урьдчилан сэргийлэх, эрсдэлийг бууруулах, арилгах арга хэмжээний санал боловсруулан шийдвэрлүүлэх;

• Эдийн засаг, бизнесийн удирдлага, банк санхүүгийн чиглэлээр бакалавр болон түүнээс дээш зэрэгтэй. CFA, CPA, ACA, CIA, CISA зэрэг мэргэшлийн зэрэгтэй эсхүл магистрын зэрэгтэй бол давуу тал болно;
• Зээл, эрсдэлийн чиглэлээр мэргэшсэн;
• Ажлын хүрээнд гадны аудитын болон бусад байгууллагатай хамтран ажиллах чадвартай, харилцааны өндөр соёлтой;
• Асуудлыг дэвшүүлэх, дүн шинжилгээ хийх логик сэтгэлгээ сайн, нэгтгэн дүгнэх ур чадвартай;
• Баримт бичиг боловсруулах чадвартай;
• Байгууллагын нууц хадгалах, бусдын нөлөөнд үл автах чадвартай, үнэнч шударга, мэргэжлийн өндөр ёс зүйтэй;
• Багийн гишүүдэд зөвлөн тусалж, ажил хэрэгч уур амьсгал бүрдүүлдэг, санаачилгатай  ханддаг байх шаардлагыг тус тус тавьж байна.

Монгол Улсын Хөгжлийн банкны охин компани болох “Ди Би Эм лизинг” ХХК-ийн зорилго нь үндэсний эдийн засгийн тогтвортой өсөлтийг хангах, тэргүүлэх салбаруудад хэрэгжих төсөл, хөтөлбөрүүдэд болон импортыг орлох, экспортын орлогыг нэмэгдүүлэх үйлдвэрлэл, үйлчилгээг хөгжүүлэхэд шаардлагатай техник, тоног төхөөрөмжийн санхүүгийн түрээсийн үйлчилгээ үзүүлэх явдал болно.

Эх орныхоо ирээдүйн хөгжил дэвшилд бодит хувь нэмрээ оруулах хүсэл, зорилго бүхий чадварлаг мэргэжилтэн таныг “Ди Би Эм лизинг” ХХК-ийн ажлын байрын сонгон шалгаруулалтад урьж байна.