Ажлын байрны зорилго: Эгийн голын усан цахилгаан станц төслийн станцын цахилгааны техникийн шаардлага, судалгаа, захиалга, үйлдвэрлэл, тээвэрлэлт, угсралт, зүгшрүүлгийн ажлын хэрэгжилт, зураг төсөл, зохион байгуулалтад хяналт тавих. Холбогдох ажлын тайлан, судалгааны дүгнэлтийг тогтоосон хугацаанд бэлтгэх, тайлагнах.

Гүйцэтгэх үндсэн үүрэг:

• Төслийн хүрээнд хийгдэж буй судалгааны ажил, тооцоололд цахилгааны хэсгийн техникийн шаардлагыг Гүйцэтгэгч сонгон шалгаруулах баримт бичигт болон шаардлагатай бусад баримт бичигт тусгах, зураг төсөл, зохион байгуулалтад хяналт тавих;
• Станцын барилгын цахилгааны хэсэг болон релей хамгаалалт, автоматик, удирдлагын хэсгийн техникийн шаардлага, угсралтын ажлын хэрэгжилт, зураг төсөл, зохион байгуулалтын ажилд мэргэжлийн холбогдох санал өгөх, ажлын даалгаварт тусгах;
• Эрчим хүчний системийн статистик судалгаа, горим ажиллагаа, системийн онцлог, бүтцийн мэдээллийг тогтмол шинэчлэн судалгааны материал бэлтгэх;
• Дээрх зорилтуудыг биелүүлэх явцад хүлээн авсан мэдээлэл, баримтад мэргэжлийн үүднээс хандаж, бодит байдлыг магадлан шалгах, холбогдох хяналтыг өдөр тутмын үйл ажиллагаандаа хэрэгжүүлэх, зохих арга хэмжээг авах;
• Ажлын байрны тодорхойлолтод заасан бусад ажил үүрэг.

• Цахилгааны инженерийн чиглэлээр бакалавр болон түүнээс дээш зэрэгтэй байх.
• Мэргэжлээрээ 4-өөс доошгүй жил ажилласан байх.
• Төрөл бүрийн баримт бичиг боловсруулах, монгол хэлний найруулга зүйн чадвартай байх.
• Англи хэлний бичгийн болон ярианы чадвартай байх.
• Орос хэлний мэдлэг, төсөл дээр ажиллаж байсан туршлагатай, IT-ийн мэдлэгтэй бол давуу тал болно.
• Хувийн зохион байгуулалт сайн, итгэл даах, нягт нямбай, хариуцлагатай байх.
• Компьютерийн өргөн хэрэглээний программыг ашиглаж чаддаг, хөтөлбөр, танилцуулах материал бэлдэх чадвартай байх.
• Ажлын ачаалал даах, багаар ажиллах чадвартай байх.

Тус компанийн эрхлэх үйл ажиллагааны чиглэл Эгийн голын усан цахилгаан станцын төсөл хэрэгжүүлэх.